🔴साने नगर येथील बोरी नदीच्या काठावर एका तरुणावर बिबट्याचा हमला.. सुदैवाने हमल्यातून तरुण बचावला. .

 अमळनेर दि.17 (प्रतिनिधी). मानव केंद्र परिसरात नदीकाठा लगत शौचास गेलेल्या दादू मनोज पाटील राहणार साने नगर याच्यावर आज दिनांक 17 9 2026 वार गुरुवारी दुपारी ठीक एक वाजेच्या सुमारास, बिबट्याने काटेरी झाडांच्या गुफा मधून निघून हमला केला. आरडा ओरड केल्यामुळे लोक जमले तेव्हा बिबट्या पसार झाला व मानव केंद्राकडे उड्या मारत पडून गेला. अनेक लोकांनी तेथे बिबट्याचा पद माग ,पावलाचे ठसे ,बघितले आहेत. याच परिसरात बिबट्याचा अधिवास अनेक दिवसापासून दृष्टीस पडत आहे. लवकरात लवकर वनपाल वनाधिकाऱ्यांनी शहानिशा करून त्या जागेवर पिंजरा लावावा जेणेकरून नागरिकांवर , प्राण्यांवर होणारा हल्ला थांबवता येईल. 

साने नगरच्या उत्तरेकडे ईशान्य कोपऱ्याला गावातील गुरेढोरे बांधलेली असतात. प्रशासनाने तातडीने पावले उचलून परिसराला व शेती काम करणाऱ्या शेतकरी व शेतमजुरांना भयमुक्त करावे अशी नागरिकांची मागणी होत आहे.